28 თებერვალს თეთრიწყაროს მუნიციპალიტეტის მერი გიორგი ქორიძე და მერის პირველი მოადგილე მალხაზ სამაშვილი სამოქალაქო მრჩეველთა საბჭოს წევრებს შეხვდნენ, ერთობლივად განიხილეს მერიის მიერ შემუშავებული მუნიციპალური ნარჩენების მართვის 5 წლიანი გეგმის პირველადი სამუშაო დოკუმენტი და იმსჯელეს თეთრიწყაროს ტურისტული პოტენციალის განვითარების პერსპექტივებზე.
აღსანიშნავია, რომ სამოქალაქო მრჩეველთა საბჭოს ახალი შემადგენლობა არჩევნების წესით დაკომპლექტდა, წევრობის თითოულ მსურველს საშუალება ჰქონდა მოსახლეობის მხარდაჭერით საბჭოში წარედგინა საკუთარი კანდიდატურა კანონმდებლობის თანახმად, სამოქალაქო მრჩეველთა საბჭო მერის სათათბირო ორგანოს წარმოადგენს, რომელიც უფლებამოსილია განიხილოს მუნიციპალიტეტის ბიუჯეტის პროექტი, ინფრასტრუქტურული და სოციალური პროექტები აგრეთვე, მნიშვნელოვანი ადმინისტრაციულ - სამართლებრივი აქტების პროექტები და ა. შ.
შეხვედრაზე ისაუბრეს მუნიციპალიტეტის ორგანოების მიერ გადაწყვეტილების მიღების პროცესში მოქალაქეთა ჩართულობაზე და სამოქალაქო საზოგადოებასთან მჭიდრო თანამშრომლობის აუცილებლობაზე, რაც ხელს შეუწყობს მიმდინარე პროცესების გამჭვირვალობას და მუნიციპალიტეტში მიმდინარე პროცესებზე მოქალაქეთა ინფორმირებულობას.
#მრჩეველთასაბჭო
#მოქალაქეთაჩართულობა
#თეთრიწყარო
სიახლეები
შეხვედრა სამოქალაქო მრჩეველთა საბჭოს წევრებთან
28 თებ 2018
მნახველთა რაოდენობა: 3075
სიახლეები
მარ 03 კვ 2024
595
თებ 21 ოთხ 2024
732
თებ 09 პარ 2024
692
იან 00
516
იან 00
452