სიახლეების გამოწერა

26 ივლისს, დმანისის მუნიციპალიტეტში სახალხო დღესასწაული „დმანისობა 2019“ საზეიმოდ აღინიშნა. პანტიანის ტბის მიმდებარე ტერიტორიაზე წარმოდგენილ ღონისძიებაში, შემოქმედებითი ჯგუფები თეთრიწყაროს მუნიციპალიტეტიდანაც მონაწილეობდნენ. ტრადიციული და გამოყენებითი ხელოვნების ნიმუშები წარმოადგინა კოდის სათემო განათლების ცენტრმა, ხოლო საკონცერტო ღონისძიებაში მონაწილეობა მიიღო ააიპ თეთრიწყაროს კულტურისა და სპორტის ცენტრთან არსებულმა ანსამბლმა „მშვიდობის მტრედებმა“. ღონისძიების ფარგლებში მოეწყო საგამოფენო კუთხეები, წარმოდგენილი იყო ტრადიციული სამზარეულო, ჩატარდა მასტერკლასები (ხეზე კვეთა, თექა, სახის მოხატვა), ასევე გაიმართა დოღი და შეჯიბრებები სპორტის სხვადასხვა სახეობებში. სახალხო დღესასწაულს ესწრებოდნენ: ქვემო ქართლში სახელმწიფო რწმუნებულის ადმინისტრაციის და რეგიონის მუნიციპალიტეტების წარმომადგენლები, სასულიერო პირები და სხვა მიწვეული სტუმრები.