სიახლეების გამოწერა

31 მაისს, თეთრიწყაროს მუნიციპალიტეტის მერის მოადგილეებმა: მალხაზ სამაშვილმა და ბერდია ხვისტანმა მორიგი ყოველკვირეული სამუშაო თათბირი გამართეს ინსპექტირების ორგანოს - კომპანია „ოპტიმალ გრუპ +“-ის და კონტრაქტორი სამშენებლო კომპანიების წარმომადგენლებთან.

შეხვედრის ფარგლებში განიხილეს, საქართველოს რეგიონებში განსახორციელებელი პროექტების ფონდიდან და ადგილობრივი ბიუჯეტიდან დაფინანსებული ინფრასტრუქტურული პროექტების მიმდინარეობა. მათ შორის, მერიის დაკვეთით მიმდინარე, კოდა-ვაშლოვნის დამაკავშირებელი 4.7 კმ-იანი საავტომობილო გზის მშენებლობის, ქ. თეთრიწყაროში მარაბდის, გურამიშვილის და ჭავჭავაძის ქუჩების რეაბილიტაციის მიმდინარე სამუშაოების მონიტორინგის შედეგები.

მუნიციპალიტეტის მასშტაბით, ინფრასტრუქტურული პროექტების დათქმულ ვადებში შეუფერხებლად განხორციელებისათვის, მერიაში, კონტრაქტორ კომპანიებთან სამუშაო თათბირები ყოველკვირეულად იმართება.