სიახლეების გამოწერა

  9 მაისს ქ. თეთრიწყაროში ფაშიზმზე გამარჯვების 74-ე წლისთავი აღინიშნა. 
კულტურისა და დასვენების პარკში შეკრებილმა საზოგადოებამ პატივი მიაგო მეორე მსოფლიო ომში დაღუპულ მებრძოლთა ხსოვნას. თეთრიწყაროს მუნიციპალიტეტის მერმა გიორგი ქორიძემ და საკრებულოს თავმჯდომარის მოადგილემ ავთანდილ მუხაშავრიამ, გვირგვინით შეამკეს ომში დაღუპულთა მემორიალი. გარდაცვლილთა სულის მოსახსენიებელი პანაშვიდი გადაიხადა თეთრიწყაროს წმ. ნიკოლოზის სახელობის ტაძრის მოძღვარმა მამა პავლე ზურაბიანმა. 
  თეთრიწყაროს მერიისა და საკრებულოს წარმომადგენლებთან ერთად, ღონისძიებას დაესწრო ქვემო ქართლში სახელმწიფო რწმუნებულის ადმინისტრაციის, ადგილობრივ თვითმმართველობებთან თანამშრომლობის სამსახურის უფროსი ლევან ჟვანია. 
მეორე მსოფლიო ომის მონაწილე 4 ვეტერანს: 102 წლის აშოტ არუთინიანს (ქ.თეთრიწყარო), 95 წლის ვასილ გიგოლაშვილს (სოფ.კოდა), 95 წლის არმენ დავითაშვილს (სოფ.კოდა) და 94 წლის არჩილ თეგაძეს (სოფ.შავსაყდარი) მუნიციპალიტეტის მერიამ სასაჩუქრე კალათები გადასცა და ერთჯერადი დახმარების სახით, გაიცა თანხა თითოეულ ვეტერანზე 500 ლარის ოდენობით.