სიახლეების გამოწერა

  ქ. თეთრიწყაროში, ე.წ. ნამტვრიანის დასახლებაში არსებული სპორტული მოედნის სარეაბილიტაციო სამუშაობი მიმდინარეობს. პროექტის ფარგლებში, მოეწყობა შესაბამისი სპორტული ინფრასტრუქტურა და ხელოვნური საფარი.

მიმდინარე სამუშაობს ადგილზე გაეცნო თეთრიწყაროს მუნიციპალიტეტის მერი გიორგი ქორიძე, მერიის ზედამხედველობის სამსახურის წარმომადგენლებთან ერთად.

პროექტის განხორციელების შედეგად ადგილობრივ ახალგაზრდებს საშუალება მიეცემათ დაგეგმონ სხვადასხვა სპორტული შეჯიბრებები, რაც ხელს შეუწყობს სპორტისა და ცხოვრების ჯანსაღი წესის პოპულარიზაციას. 

სამუშაოების განხორციელება მიმდინარე წლის 19 ნოემბერს დაიწყო და 2019 წლის 19 იანვრამდე დასრულდება.

პროექტის ღირებულება (ხელშეკრულებით) 47 141 ლარს შეადგენს

კონტრაქტორი კომპანია - შპს „თეგი“