სიახლეების გამოწერა

 26 ივნისს, ევროკავშირის მხარდაჭერით მიმდინარე პროექტის „სოფლის მდგრადი განვითარება თეთრიწყაროს მუნიციპალიტეტში“ ფარგლებში, თეთრიწყაროს ადგილობრივი განვითარების ჯგუფს (TT LAG) ესტუმრნენ ლიტვის ადგილობრივი განვითარების ჯგუფის ქსელის თავმჯდომარე ლიგიტა სმაგურაუსკაინე და წევრი პოვილას საულევიუსი. პროექტის ფარგლებში, შეხვედრას ფასილიტაციას უწევდა ასოციაცია "სამხარეო განვითარება მომავალი საქართველოსთვის (RDFG)".

თეთრიწყაროს ლაგის საჯარო, სამოქალაქო და კერძო სექტორის წარმომადგენლებმა და ლიტველმა სტუმრებმა განიხილეს თეთრიწყაროს ადგილობრივი განვითარების ჯგუფის ფუნქციონირებისა და LEADER მიდგომის განხორციელების მიზნები და საფუძვლები. თეთრიწყაროს მერის პირველმა მოადგილემ მალხაზ სამაშვილმა, სტუმრებს გააცნო მუნიციპალიტეტის მუშაობის სტრუქტურა და მათი თანამშრომლობის არსი ადგილობრივი განვითარების ჯგუფებთან, როგორც ნაციონალურ, ისე საერთაშორისო დონეზე.

ლიტვის ადგილობრივი განვითარების ჯგუფის ქსელის ვიზიტის მიზანს თეთრიწყაროში, ENPARD პროექტის მსვლელობის მონიტორინგი წარმოადგენდა. ისინი აქტიურად აკვირდებოდნენ მუშაობის პროცესებს, დისკუსიის ფარგლებში სტუმრებს თეთრიწყაროს ლაგის წევრებთან გასაუბრების საშუალება მიეცათ რათა უკეთ გაცნობოდნენ, თუ რამდენად დიდ როლს თამაშობს თეთრიწყაროს ადგილობრივი განვითარების ჯგუფის გამართული ფუნქციონირება ადგილობრივი პრობლემების იდენტიფიცირებისა და მოგვარების პროცესში. მონიტორინგის ფარგლებში განსაკუთრებული ყურადღება დაეთმო LEADER მიდგომის პრინციპებს, აღნიშნული მიდგომის ეფექტურობას და მისი გამოყენებით სოფლის განვითარების პროცესების ხელშეწყობას.

RDFG-ს პროექტი „სოფლის მდგრადი განვითარება თეთრიწყაროს მუნიციპალიტეტში“ სოფლისა და სოფლის მეურნეობის განვითარების ევროპის სამეზობლო პროგრამის ENPARD -ის მეორე ფაზის ფარგლებში ხორციელდება. ENPARD II სოფლის განვითარების ევროპულ მოდელს „ლიდერს“ (LEADER) იყენებს. მისი მიზანია, სოფლის განვითარებაში ჩართოს ადამიანები, როგორც განმახორციელებელი პირები და არა როგორც მოსარგებლეები.