სიახლეების გამოწერა

  24 აპრილს ასოციაცია „სამხარეო განვითარება მომავალი საქართველოს“ (RDFG) ინიციატივით, თეთრიწყაროს განვითარების ჯგუფის გაერთიანებული შეხვედრა გაიმართა. „სოფლის მდგრადი განვითარება თეთრიწყაროს მუნიციპალიტეტში“ პროექტის ფარგლებში, თეთრიწყაროს ადგილობრივი განვითარების ჯგუფმა განიხილა პირველი საგრანტო კონკურსის შედეგები და საგრანტო განაცხადების განიხილვის მიზნით, ჯგუფის შემადგენლობიდან აირჩიეს შეფასების კომიისის წევრები.

   სოფლისა და სოფლის მეურნეობის განვითარების ევროპის სამეზობლო პროგრამის ENPARD-ის მეორე ფაზის ფარგლებში მიმდინარე პროექტის საგრანტო კონკურსის პირველ ეტაპზე თეთრიწყაროს მუნიციპალიტეტის მასშტაბით, 265 განაცხადის წარდგენა მოხდა. იდეების განხილვის და შეფასების შედეგად შერჩეულ აპლიკანტებს მომდევნო ეტაპის გამოცხადებამდე ჩაუტარდებათ ტრენინგები სრული საგრანტო განაცხადის ფორმის შევსებასთან და მასში მითითებულ თითოეულ პუნქტთან დაკავშირებით. აღსანიშნავია, რომ პროექტის ფარგლებში დაგეგმილია სამი საგრანტო კონკურსის გამოცხადება.