სიახლეების გამოწერა

საქართველოს რეგიონული განვითარებისა და ინფრატსრუქტურის სამინისტროს საქართველოს საავტომობილო გზების დეპარტამენტის დაკვეთით, თეთრიწყაროს მუნიციპალიტეტში, მარნეული–თეთრიწყარო–წალკის საავტომობილო გზის 8 კილომეტრიანი მონაკვეთის რეაბილიტაცია მიმდინარეობს.

რეაბილიტაციის პროექტი ითვალისწინებს: გზის სავალი ნაწილის სრულად აღდგენას, მონაკვეთზე არსებული 2 ხიდის რეაბილიტაციასა და 1 ახალი სახიდე გადასასვლელის მშენებლობას. გზის გვერდულების, წყალგამტარი მილების, კიუვეტების, ადგილობრივ გზებთან მიერთებების საზოგადოებრივი ტრანსპორტის გაჩერებების, გზის ჰორიზონტალური მონიშვნისა და საგზაო ნიშნების მოწყობის სამუშაოებს. 
ამ ეტაპზე, ასფალტ–ბეტონის საფარი დაგებულია 7,8 კილომეტრზე. საერთო ჯამში შესრულებულია სამუშაოების 68%. მიმდინარეობს ხელოვნური ნაგებობებისა და სახიდე გადასასვლელის რეაბილიტაციის სამუშაოები.
სარეაბილიტაციო მონაკვეთი ქალაქ თეთრიწყაროს გასასვლელთან იწყება და ჭივჭავის ადმინისტრაციულ ერთეულში შემავალ სოფელ დუმანისთან სრულდება.
პროექტი სახელმწიფო ბიუჯეტიდან ფინანსდება და მისი ღირებულება 4 მილიონ 990.6 ათას ლარს შეადგენს. სარეაბილიტაციო სამუშაოები მიმდინარე წლის მაისში დასრულდება.
აღსანიშნავია, რომ აღნიშნული გზის მონაკვეთზე წლების განმავლობაში   დაზიანებული იყო გზის საფარი, რაც მნიშვნელოვნად აფერხებდა საავტომობილო გადაადგილებას, რეაბილიტაციის შედეგად, გაუმჯობესებული მიმოსვლით ისარგებლებს მიმდებარე სოფლების მოსახლეობა და დამსვენებლები.