სიახლეების გამოწერა

13 ივლისს თეთრიწყაროს მუნიციპალიტეტის გამგებლის მოვალეობის შემსრულებელმა ერეკლე კუხიანიძემ და ინფრასტრუქტურის განვითარების არქიტექტურისა და მშენებლობის სამსახურის უფროსმა გოჩა ქალდანმა სოფელ დიდ თონეთში სასმელი წყლის სარეაბილიტაციო  და სანიაღვრე არხების გაწმენდითი სამუშაოები ადგილზე მოინახულეს.სამუშაოებს აწარმოებს ა.(ა).ი.პ „თეთრიწყარო წყალი“.

ხელმძღვანელმა პირებმა სოფელ წვერში და სოფელ დიდგორში მისასვლელ გზებზე განხორციელებული სამუშაოები დაათვალიერეს, აღნიშნული გზის მონაკვეთები ამორტიზირებული იყო  და ფერხდებოდა  ავტოტრანსპორტის მოძრაობა, ხრეშოვანი საფარის ძლიერი დაზიანების გამო .საქართველოს რეგიონული განვითარებისა და ინფრასტრუქტურის სამინისტროს  საავტომობილო გზების დეპარტამენტის უშუალო ჩართულობით რეაბილიტაციის შემდეგ აღნიშნულ გზაზე შესაძლებელია ნებისმიერი ავტოტრანსპორტით მოძრაობა.