სიახლეების გამოწერა

2017 წლის 5 ივნისს გერმანელების სამხრეთ კავკასიაში ჩამოსახლების 200 წლის იუბილესთან დაკავშირებით,  საზეიმო ღონისძიებების ერთობლივი დაგეგმვის მიზნით სამუშაო ვიზიტით იმყოფებოდა ევანგელიურ-ლუთერული ეკლესიის საქართველოსა და სამხრეთ კავკასიაში ეპისკოპოსი ჰანს-იოახიმ კიდერლენი.

2017 წელი გამოცხადებულია საქართველო გერმანიის მეგობრობის წლად და აღინიშნება სამხრეთ კავკასიაში გერმანელთა ჩამოსახლების 200 წლის იუბილე. საიუბილეო წლის ფარგლებში თეთრიწყაროს მუნიციპალიტეტში მიმდინარეობს მუშაობა სხვადასხვა ღონისძიებების დაგეგმვაზე რომელშიც ჩართული იქნება გერმანული მხარეც.  გერმანულ-ქართული წლის ფარგლებში 19-29 სექტემბერს გერმანიის ქალაქ ჰომბურგიდან საქართველოში ჩამოვა ახალგაზრდების და ქალაქის წარმომადგენლების ჯგუფი. ქალაქ ჰომბურგის გიმნაზიის მოსწავლეებმა გასულ წლებში თბილისის ერთ-ერთი სკოლის მოსწავლეებთან ერთად მოაწესრიგეს ასურეთის ყოფილი გერმანული სასაფლაო.

შეხვედრის ფარგლებში თეთრიწყაროს მუნიციპალიტეტის თვითმმართველობამ სრული მზადყოფნა გამოთქვა  და შეთანხმდნენ სამომავლო თანამშრომლობაზე. შეხვედრა ასურეთში ვიზიტით გაგრძელდა ეპისკოპოსმა თეთრიწყაროს მუნიციპალიტეტს გამგებლის მოვალეობის შემსრულებელთან ერეკლე კუხიანიძესთან   ერთად  გერმანული სასაფლაოები, ასურეთში მიმდინარე სარეაბილიტაციო სამუშაოები და ლუთერანული ეკლესია მოინახულა.