სიახლეების გამოწერა

22 მარტს თეთრიწყაროს მუნიციპალიტეტში წყლის რესურსების საერთაშორისო დღესთან დაკავშირებით, მასშტაბური დასუფთავების აქცია გაიმართა. მუნიციპალიტეტის გამგეობის და შპს „თეთრიწყაროს კეთილმოწყობისა და დასუფთავების სამსახური“-ს თანამშრომლების მიერ, საყოფაცხოვრებო ნარჩენებისაგან დასუფთავდა ტბისის წყალსაცავის ნაპირი და სოფელ ტბისთან არსებული წყაროს მიმდებარე ტერიტორია. აქცია განხორციელდა საქართველოს მწვანეთა მოძრაობის ინიციატივით, პროექტ „დავასუფთავოთ საქართველო“-ს ფარგლებში და მუნიციპალიტეტის გამგეობის ორგანიზებით.
გთხოვთ გავუფრთხილდეთ ბუნებას, ნუ დავაბინძურებთ გარემოს