სიახლეების გამოწერა

6 მარტს თეთრიწყაროს მუნიციპალიტეტის გამგეობის სააქტო დარბაზში დედათა და ქალთა დღისადმი მიძღვნილი სადღესასწაულო ღონისძიება გაიმართა. მსმენელთა წინაშე მუსიკალური და იუმორისტული ნომრებით წარსდგნენ ადგილობრივი მუსიკალური შემოქმედებითი ჯგუფები, ქართული ესტრადის მომღერლები და მსახიობები: ლევან შენგელია, ნათია თადიაშვილი, კოტე მჟავია, მეკო მეტრეველი, ჯგუფი ქორალი, დავით ბეკოშვილი და სხვები. ღონისძიების ფარგლებში, თეთრიწყაროს მუნიციპალიტეტის მუნიციპალური პროგრამით მოსარგებლე 69 მრავალშვილიან დედას სადღესასწაულოდ, ფასიანი საჩუქრები გადაეცათ. 
სადღესასწაულო ღონისძიება გაიმართა ა.(ა).ი.პ. ,,თეთრიწყაროს მუნიციპალიტეტის კულტურისა და საბიბლიოთეკო დაწესებულებების გაერთიანება - კულტურის ცენტრის" ორგანიზებით და სს „ლიბერთი ბანკი“-ს ფინანსური მხარდაჭერით. 
ღონისძიებას ესწრებოდნენ: თეთრიწყაროს მუნიციპალიტეტის გამგებელის მოადგილე ლია ზურებიანი, საკრებულოს თავმჯდომარის მოადგილე ავთანდილ მუხაშავრია, გამგეობის და საკრებულოს თანამშრომლები, მოწვეული სტუმრები და მოსახლეობა.