სიახლეების გამოწერა

თეთრიწყაროს მუნიციპალიტეტის პირუტყვის დაავადებათა კონტროლის, კატასტროფების რისკის შემცირებისა და სასოფლო-სამურნეო სავარგულების მიზნობრივად გამოყენების მიზნით შექმნილმა სამუშაო ჯგუფმა 1 მაისს პირველი შეხვედრა გამართა.

შეხვედრაზე დაიგეგმა მუნიციპალიტეტის ტერიტორიაზე  (ცხვრის) გადარეკვის პერიოდში პირუტყვის დაავადებისა და მოსალოდნელი სხვა კატასტროფების თავიდან ასაცილებელი კონკრეტული ღონისძიებები, ისეთი როგორიცაა გადასარეკი ტრასებისათვის ტერიტორიის გამოყოფა, შესაბამისი საგზაო ნიშნებისა და ბანერების განთავსება და სხვა. პირუტყვის დაავადებათა და კატასტოფების რისკის შემცირების მიზნით, პირუტყვის დაავადებების დაფიქსირებისას, დაცემული პირუტყვის აღმოჩენის შემთხვევაში, გადასარეკი ტრასის მარშრუტის დარღვევისას, მუნიციპალურ ინფრასტრუქტურასთან დაკავშირებული პრობლემებსა და სასოფლო-სამეურნეო სავარგულებთან დაკავშირებულ შეკითხვებზე ამოქმედდება უფასო ცხელი ხაზი. საჭიროების შემთხვევაში მონაწილეობას მიიღებს  საქართველოს სოფლის მეურნეობის სამინისტროს თეთრიწყაროს საინფორმაციო-საკონსულტაციო სამსახური და სსიპ  სურსათის ეროვნული სააგენტოს ქვემო ქართლის რეგიონული სამმართველო. შეხვედრას მუნიციპალიტეტის გამგებელი მამუკა ჩოქური და საკრებულოს თავმჯდომარე გიორგი დალაქიშვილი დაესწრო.