სიახლეების გამოწერა

სოფელ ბორბალოში სასმელი წყლის ჭაბურღილის და სისტემის მოწყობის სამუშაოები მიმდინარეობს. პროექტის ფარგლებში მოეწყო სასმელი წყლის ჭაბურღილი, ცენტრალური სისტემა, წყალშემკრები ავზი და საუბნო ონკანები. ამ ეტაპზე მიმდინარეობს გაწმენდითი სამუშაოები, ხოლო ობიექტის ექსპლუატაციაში გაშვების შემდეგ წყალმომარაგება საგრძნობლად გაუუმჯობესდება სოფელში მცხოვრებ 250-მდე ბენეფიციარს. აღსანიშნავია, რომ სოფელი ბორბალო ამ დრომდე სასმელი წყლით მარაგდებოდა სოფელში არსებული 2 სასოფლო წყაროდან, რომლის დებეტი ვერ უზრუნველყოფდა მოსახლეობისთვის საჭირო მოცულობით წყლის მიწოდებას, პრობლემა განსაკუთრებით მწვავედ იდგა ზაფხულის პერიოდში. აღნიშნულიდან გამომდინარე წყალუზრუნველყოფა წლების განმავლობაში სოფლის მთავარ პრიორიტეტს წარმოადგენდა. პროექტის განხორციელება 2016 წლის 24 ნოემბერს დაიწყო და სამუშაოების დასრულება ხელშეკრულებით გათვალისწინებულია 2017 წლის თებერვალში. პროექტი დაფინანსებულია ადგილობრივი ბიუჯეტით და მისი ღირებულება ხელშეკრულებით 88 852,61 ლარს შეადგენს.