სიახლეების გამოწერა

2016 წლის 1 ივნისს ბავშვთა დაცვის საერთაშორისო დღესთან დაკავშირებით, თეთრიწყაროს მუნიციპალიტეტის გამგეობისა და ა.ა.ი.პ. ,,თეთრიწყაროს მუნიციპალიტეტის კულტურისა და საბიბლიოთეკო დაწესებულებების გაერთიანება-კულტურის ცენტრი”-ს ორგანიზებით, ქ.თეთრიწყაროში,გამგეობის შენობის მიმდებარე ტერიტორიაზე , გაიმართა სხვადასხვა სახის გასართობი წარმოდგენები.
ღონისძიება მოიცავდა შემდეგ აქტივობებს: 
• საბავშვო გასართობი პროგრამა ცნობილი ზღაპრების გმირების მონაწილეობით;
• საკონცერტო პროგრამა საბავშვო ბაღების აღსაზრდელების მონაწილეობით;
• სახალისო ვიქტორინები.
დღის განმავლობაში მხიარულ განწყობას ქმნიდა ,,ბასტი-ბუბუს“ სტუდიის მუსიკალური ნომრები.
სცენის მიმდებარე ტერიტორიაზე განთავსდა კარვები, სადაც ბავშვებისთვის მოეწყო ხატვის, ძერწვის და არქიტექტურის კუთხეები.
ღონისძიებას ესწრებოდნენ ქვემო ქართლის გუბერნიის ადგილობრივ თვითმმართველობის ორგანოებთან ურთიერთობის სამსახურის ხელმძღვანელი- დავით ასათიანი, თეთრიწყაროს მუნიციპალიტეტის გამგეობის და საკრებულოს თანამშრომლები, ადგილობრივი მოსახლეობა და თეთრიწყაროს მუნიციპალიტეტის საჯარო სკოლების და საბავშვო ბაღების აღსაზრდელები.