სიახლეების გამოწერა

თეთრიწყაროს მუნიციპალიტეტში სტიქიის შედეგების სალიკვიდაციო სამუშაოები მიმდინარეობს

დღეს, თეთრიწყაროს მუნიციპალიტეტში მოსულმა უხვმა ნალექმა, სოფელ დუმანისთან მისასვლელი საავტომობილო გზა და სოფელ ნავთიანის ხიდი დააზიანა.
ადგილზე ამ დრომდე იმყოფებიან მუნიციპალიტეტის შესაბამისი სამსახურის წარმომადგენლები, მობილიზებულია სპეციალური ტექნიკა და აღნიშნული ტერიტორიის გაწმენდითი სამუშაოები წყლის დონის დაწევისთანავე დაიწყება. 
ტერიტორიაზე გადაადგილება სოფელ ირაგას შემოვლითი გზითაა შესაძლებელი. 
ქვემო ქართლის რეგიონში სტიქიის შედეგების სალიკვიდაციო სამუშაოები აქტიურად მიმდინარეობს.