სიახლეების გამოწერა

4 აგვისტოს მუნიციპალიტეტის გამგეობაში გამგებლის პირველი მოადგილე, ერეკლე კუხიანიძე ფონდი „ტასო“-ს წარმომადგენლებს შეხვდა. შეხვედრაზე მოხდა ფონდისა და მისი შვილობილი ორგანიზაციის - წინწყაროს სათემო ფონდის „კოდორი 2013“ ადგილობრივ თვითმმართველობასთან თანამშრომლობის გაღრმავების საკითხების განხილვა. ფონდის წარმომადგენლებმა ადგილობრივ თვითმმართველობას მიაწოდეს ინფორმაცია და შესაბამისი მასალა დევნილთა მოწყვლადი ჯგუფების სასიცოცხლო წყაროებით უზრუნველყოფის საგრანტო პროგრამასთან დაკავშირებით, რომელიც, ევროკავშირის დაფინანსებით, უახლოეს მომავალში დაიწყება. 
 შეხვედრას ესწრებოდნენ გამგეობის სტრუქტურული ერთეულების ხელმძღვანელები, ფონდი „ტასო“-ს წარმომადგენლები: დირექტორი - ქალბატონი მარინა თაბუკაშვილი და მოადგილე - ქალბატონი ცისანა გოდერძიშვილი.