სიახლეების გამოწერა

25 ოქტომბერს თეთრიწყაროს მუნიციპალიტეტში მოსულმა თოვლმა ელექტროგადამცემი ბოძების და ელექტროსადენების დაზიანება გამოიწვია, რის გამოც გასული დღე-ღამის განმავლობაში ელექტროენერგია არ მიეწოდებოდა ქ. თეთრიწყაროს და მუნიციპალიტეტის შემდეგ დასახლებებს: ასურეთის, ჯორჯიაშვილის, ჭივჭავის ადმინისტრაციული ერთეულის სოფლებს, სოფელ ჩხივთის, დაღეთის, საშვილდის და თონეთის მოსახლეობას. მოსული ნალექის შედეგად წაიქცა ხეები, დაზიანდა გარე განათების სისტემა და 15-მდე გარე განათების ბოძი. 
შ.პ.ს "თეთრიწყაროს კეთილმოწყობისა და დასუფთავების სამსახურის" მიერ ინტენსიურად მიმდინარეობს ცენტრალურ გზებზე ტექნიკური მარილის დაყრა და გაწმენდითი სამუშაოები. ამ დროისათვის საავტომობილო გზებზე გადაადგილება შეუფერხებლად მიმდინარეობს. სს ენერგო-პრო-ჯორჯია ელექტროგადამცემ ხაზებზე ინტენსიურად ახორციელებს აღდგენით სამუშაოებს. ელექტროენერგიის მიწოდება ქ. თეთრიწყაროს დღის ბოლომდე აღუდგება, ხოლო მუნიციპალიტეტის დასახლებები ეტაპობრივად ჩაირთვება.