სიახლეების გამოწერა

 მსოფლიო ბანკის მხარდაჭერით მიმდინარე „ირიგაციის და მიწის ბაზრის განვითარების პროექტის“ ფარგლებში, სამელიორაციო ინფრასტრუქტურის შიდასამეურნეო ქსელის მოწესრიგების მიზნით დაგეგმილი საპროექტო სამუშაოების შესახებ, 5 დეკემბერს სოფელ ჯორჯიაშვილში და ასურეთში, ადგილობრივ მოსახლეობასთან საინფორმაციო შეხვედრები გაიმართა.

პროექტის ფარგლებში უკვე განხორციელებული და სამომავლოდ დაგეგმილი სამუშაოების შესახებ, მოსახლეობას ამომწურავი ინფორმაცია მიაწოდა ამავე პროექტის წყალმომხმარებელთა განვითარების ჯგუფის ხელმძღვანელმა დავით ქაჯაიამ. შეხვედრას აგრეთვე ესწრებოდნენ: საქართველოში მსოფლიო ბანკის მისია ვილფრიდ ჰანდერტმარკის ხელმძღვანელობით, რეგიონალური ექსპერტი გევორგ მიჩიკიანი და შპს „საქართველოს მელიორაციის“ ალგეთი-ტბისი-კუმისის სერვისცენტრის წარმომადგენლები. 

2018 წელს „ირიგაციის და მიწის ბაზრის განვითარების პროექტის“ ფარგლებში, დასრულდა ტბისი-კუმისის საირიგაციო სისტემის ძირითადი/მაგისტრალური სამელიორაციო სისტემების რეაბილიტაცია, პროექტის მეორე ეტაპზე იგეგმება შიდასამეურნეო ქსელის საპროექტო სამუშაოების განხორციელება, რომელიც მოიცავს მუნიციპალიტეტის 20 სოფელს: ტბისი, ფარცხისი, საღრაშენი, ბოგვი, ჯორჯიაშვილი, შავსაყდარი, ასურეთი, ბორბალო, ღოუბანი, ვაშლოვანი, ერტისი, მუხათი, კოდა, ძველი მარაბდა, ახალი მარაბდა, ქოთიში, ხაიში, დიდი დურნუკი, პატარა დურნუკი და ქოსალარი. შედეგად გაიზრდება წყალუზრუნველყოფილი მიწის ფართობები, მოხდება სასოფლო-სამეურნეო მიწების მაქსიმალურად ათვისება და სასოფლო-სამეურნეო საქმიანობის განვითარება. 

აღსანიშნავია, რომ შიდასამეურნეო ქსელის საპროექტო სამუშაოების განხორციელება 2019 წლიდან დაიწყება და სამუშაოების მიმდინარეობის პროცესში აქტიურად იქნება ჩართული ადგილობრივი მოსახლეობა. 

  საქართველოს ზრდასრულთა განათლების ქსელის (GAEN) მიერ, 2018 წლის 30 ნოემბერს გამართულ შემაჯამებელ ღონისძიებაზე, კოდის სათემო განათლების ცენტრი ზრდასრულთა განათლების წლის საუკეთესო ცენტრად დასახელდა. 

თეთრიწყაროს მუნიციპალიტეტის მერია ულოცავს კოდის სათემო განათლების ცენტრის ადმინისტრაციას და თითოეულ თანამშრომელს მიღწეულ წარმატებას!

  ევროკავშირთან უვიზო მიმოსვლის შესახებ საინფორმაციო კამპანიის ფარგლებში, საგარეო საქმეთა სამინისტროს დაქვემდებარებული სსიპ-ის „საინფორმაციო ცენტრი ნატოსა და ევროკავშირის შესახებ“ ორგანიზებით, 4 დეკემბერს, თეთრიწყაროს მუნიციპალიტეტის მერიაში შეხვედრა გაიმართა. 

ნატოსა და ევროკავშირის შესახებ საინფორმაციო ცენტრის დირექტორმა ნინო ბოლქვაძემ და საქართველოს განვითარების და უსაფრთხოების ცენტრის ევროკავშირის პროგრამების დირექტორმა გოგიტა ღვედაშვილმა, ადგილობრივი თვითმმართველობების წარმომადგენლებსა და ადგილობრივ მოსახლეობას ინფორმაცია მიაწოდეს ევროკავშირის/შენგენის ზონაში უვიზო მიმოსვლის წესების შესახებ. საუბარი ასევე შეეხო იმ რისკებს, რაც დაკავშირებულია, როგორც წესების დარღვევასთან, ისე ევროკავშირის ქვეყნებში თავშესაფრის მიღების პროცედურების არამართლზომიერად გამოყენებასთან.

კამპანიას მხარს უჭერს ევროკავშირის მიერ დაფინანსებული პროექტი “ENIGMMA-2”, რომელსაც მიგრაციის პოლიტიკის განვითარების საერთაშორისო ცენტრი (ICMPD) ახორციელებს. კამპანია საგარეო საქმეთა სამინისტროსა და ნატოსა და ევროკავშირის შესახებ საინფორმაციო ცენტრის ორგანიზებით, სამოქალაქო სექტორთან თანამშრომლობით იმართება.

  თეთრიწყაროს მუნიციპალიტეტის სოფელ ქოსალარში საავტომობილო გზის მოასფალტება მიმდინარეობს. 20 ნოემბერს მიმდინარე სამუშაოებს ადგილზე გაეცნო თეთრიწყაროს მუნიციპალიტეტის მერის მოადგილე ბერდია ხვისტანი. 

აღნიშნულ დასახლებაში წლების განმავლობაში მისასვლელი საავტომობილო გზა ამორტიზებული იყო, რაც აფერხებდა მგზავრთა გადაადგილებას. პროექტის განხორციელების შედეგად უსაფრთხო და კომფორტული გადაადგილების პირობებით ისარგებლებს 600-მდე პირდაპირი ბენეფიციარი.

პროექტი ორწლიანია, ინფრასტრუქტურული სამუშაოები მიმდინარე წლის 5 ივლისს დაიწყო და დასრულება ხელშეკრულებით გათვალისწინებულია 2019 წლის 2 იანვარს. სამუშაოების საერთო ღირებულება ხელშეკრულებით შეადგენს 1 609 165 ლარს.

  20 ნოემბერს, თეთრიწყაროს მუნიციპალიტეტის მერიაში, მსოფლიო ბანკის მხარდაჭერით მიმდინარე „ირიგაციის და მიწის ბაზრის განვითარების პროექტის“ ფარგლებში, სამელიორაციო ინფრასტრუქტურის შიდასამეურნეო ქსელის მოწესრიგების მიზნით დაგეგმილი საპროექტო სამუშაოების განსახილველად, ამავე პროექტის წყალმომხმარებელთა განვითარების ჯგუფის ხელმძღვანელი დავით ქაჯაია და წარმომადგენელი ლადო შონია თეთრიწყაროს მუნიციპალიტეტის ადმინისტრაციულ ერთეულებში მერის წარმომადგენლებს შეხვდნენ.

2018 წელს „ირიგაციის და მიწის ბაზრის განვითარების პროექტის“ ფარგლებში, დასრულდა ტბისი-კუმისის საირიგაციო სისტემის ძირითადი/მაგისტრალური სამელიორაციო სისტემების რეაბილიტაცია, პროექტის მეორე ეტაპზე იგეგმება შიდასამეურნეო ქსელის საპროექტო სამუშაოების განხორციელება, რომელიც მოიცავს მუნიციპალიტეტის 20 სოფელს: ტბისი, ფარცხისი, საღრაშენი, ბოგვი, ჯორჯიაშვილი, შავსაყდარი, ასურეთი, ბორბალო, ღოუბანი, ვაშლოვანი, ერტისი, მუხათი, კოდა, ძველი მარაბდა, ახალი მარაბდა, ქოთიში, ხაიში, დიდი დურნუკი, პატარა დურნუკი და ქოსალარი. 

როგორც შეხვედრაზე აღინიშნა, მიმდინარე წლის დეკემბრის თვეში, შიდასამეურნეო ქსელის საპროექტო სამუშაოებთან დაკავშირებით, მსოფლიო ბანკის პროექტის წარმომადგენლების მონაწილეობით, გაიმართება საინფორმაციო შეხვედრები ზემოაღნიშნულ დასახლებებში. პროექტის ფარგლებში შექმნილი ტექნიკური ჯგუფი კონსულტაციას გაუწევს საირიგაციო სისტემის მომსახურების ტერიტორიაზე არსებული სოფლების წყალმომხმარებლებს. 

  სსიპ სახელმწიფო სერვისების განვითარების სააგენტოს“ დაკვეთით, ქ. თეთრიწყაროში საზოგადოებრივი ცენტრი აშენდება.

საზოგადოებრივი ცენტრის მეშვეობით მოსახლეობა ისარგებლებს სსიპ სახელმწიფო სერვისების განვითარების სააგენტოს, სსიპ საქართველოს სახელმწიფო ეროვნული არქივის, სსიპ საჯარო რეესტრის ეროვნული სააგენტოს, სსიპ სოციალური მომსახურების სააგენტოს და შპს „მექანიზატორის“ სერვისებით.

საზოგადოებრივი ცენტრის ფუნქციონირების მთავარ მიზანს წარმოადგენს მოსახლეობისათვის სერვისებზე ხელმისაწვდომობის გაზრდა და ხარისხიანი სერვისის მიწოდების უზრუნველყოფა.

11 ნოემბერს სასკოლო სპორტული ოლიმპიადა 2019-ის ფარგლებში, ქ. თეთრიწყაროში და სოფელ ჭივჭავში, მუნიციპალური თამაშები გაიმართა მინი ფეხბურთში და გეზრბენში.

 თამაშებში ჩართული იყო მუნიციპალიტეტის 9 საჯარო სკოლა (დაბა მანგლისის #1; ქ. თეთრიწყაროს #1; სოფ. კოდის, სოფ. ირაგის, სოფ. წინწყაროს, სოფ. სამშვილდის, სოფ. სამღერეთის, სოფ. ხაიშის, სოფ. დიდგორის). 

საპრიზო ადგილები გადანაწილდა შემდეგნაირად: გეზრბენი (გოგონები) - პირველი ადგილი სოფ. ირაგის საჯარო სკოლის გუნდი; მეორე ადგილი - სოფ. ხაიშის საჯარო სკოლის გუნდი; გეზრბენი (ვაჟები) - პირველი ადგილი სოფ. ირაგის საჯარო სკოლის გუნდი; მეორე ადგილი დაბა მანგლისის #1 საჯარო სკოლა; მესამე ადგილი სოფ. დიდგორის საჯარო სკოლა; მინი ფეხბურთი - პირველი ადგილი სოფ. ხაიშის საჯარო სკოლის გუნდი; მეორე ადგილი ქ. თეთრიწყაროს #1 საჯარო სკოლის გუნდი; მესამე ადგილი სოფ. ირაგის საჯარო სკოლის გუნდი;

შეჯიბრების გამარჯვებულები ღონისძიების ორგანიზატორებმა სიგელებით დააჯილდოვეს, ისინი ასპარეზობას რეგიონულ ეტაპზე გააგრძელებენ. სპორტულ თამაშებს ესწრებოდნენ: მერიის განათლების, კულტურის, სპორტისა და ახალგაზრდულ საქმეთა სამსახურის უფროსი ვაჟა სულხანიშვილი, სპორტისა და ახალგაზრდულ საქმეთა განყოფილების უფროსი ფატიმა შავაძე, ააიპ სპორტული სკოლის დირექტორი ზურაბ ბაბლუანი, პედაგოგები და მოსწავლეები.

  თეთრიწყაროს მუნიციპალიტეტის სოფელ დიდ თონეთში, გრუნტიანი შიდა საავტომობილო გზები მოსწორდა გრეიდერის საშუალებით და მოეწყო სანიაღვრე არხები. სამუშაოებს ახორციელებს ააიპ „თეთრიწყარო წყალი“.

  9 ნოემბერს თეთრიწყაროს მუნიციპალიტეტის მერიაში, მუნიციპალიტეტის 2019-2022 წლების პრიორიტეტების დოკუმენტის, 2019 წლის ადგილობრივი ბიუჯეტის პროექტის, მომავალი 3 წლის სამოქმედო გეგმის და 2019 წლის თეთრიწყაროს მუნიციპალიტეტის მოსახლეობის ჯანდაცვისა და სოციალური უზრუნველყოფის მუნიციპალური პროგრამის პროექტის საჯარო განხილვა გაიმართა. დამსწრე საზოგადოებას, მუნიციპალიტეტის ბიუჯეტის გასული, მიმდინარე და დასაგეგმი წლების ძირითადი პრიორიტეტების და მიმართულებების შესახებ ინფორმაცია მიაწოდა, მერიის საფინანსო-საბიუჯეტო და შესყიდვების სამსახურის უფროსმა ეკატერინე აფციაურმა. მომავალი 3 წლის სამოქმედო გეგმით გათვალისწინებული ინფრასტრუქტურული პროექტები საზოგადოებას განსახილველად წარუდგენა მერიის არქიტექტურისა და მშენებლობის განყოფილების უფროსმა ნატო ალთუნაშვილმა და უპასუხა შეხვედრის მონაწილეების მიერ დასმულ შეკითხვებს. 2019 წლის თეთრიწყაროს მუნიციპალიტეტის მოსახლეობის ჯანდაცვისა და სოციალური უზრუნველყოფის მუნიციპალური პროგრამის პროექტის მიხედვით, სამომავლოდ გათვალისწინებული დახმარების სახეების შესახებ დამსწრე საზოგადოებას ინფორმაცია მიაწოდა, მერიის ჯანდაცვისა და სოციალური განყოფილების უფროსმა მზია მჭედლიშვილმა.

 აღსანიშნავია, რომ თეთრიწყაროს მუნიციპალიტეტის 2019 – 2022 წლების პრიორიტეტული მიმართულებებად კვლავ რჩება: -ინფრასტრუქტურის მშენებლობა, რეაბილიტაცია და ექსპლუატაცია -განათლება; -კულტურა, ახალგაზრდობის ხელშეწყობა და სპორტი; -მოსახლეობის ჯანმრთელობის დაცვა და სოციალური უზრუნველყოფა, -წარმომადგენლობითი და აღმასრულებელი ორგანოები, თავდაცვა. 

ძირითადი საკითხების განხილვის შემდგომ, შეხვედრა გაგრძელდა კითხვა-პასუხის რეჟიმში, მოქალაქეთა მიერ დასმულ შეკითხვებს უპასუხეს მერიის შესაბამისი სამსახურების წარმომადგენლებმა, შეხვედრის მონაწილეებს საშუალება ჰქონდათ წარედგინათ საკუთარი წინადადებები და მოსაზრებები, რომელიც შემდგომ აისახება მუნიციპალიტეტის სამოქმედო გეგმაში. კანონის თანახმად, აღმასრულებელი ორგანო ადგილობრივი თვითმმართველი ერთეულის პრიორიტეტების დოკუმენტს წარუდგენს ადგილობრივი თვითმმართველობის წარმომადგენლობით ორგანოს და საქართველოს ფინანსთა სამინისტროს არა უგვიანეს 15 ნოემბრისა.

  საქართველოს ახალგაზრდა ეკონომისტთა ასოციაცია გაეროს განვითარების პროგრამის (UNDP) და ევროკავშირის მხარდაჭერით ახორციელებს პროექტს, რომელიც ითვალისწინებს საქართვლოს 8 მუნიციპალიტეტის, მათ შორის, თეთრიწყაროს მუნიციპალიტეტის საჭიროებებისა და განვითარების შესაძლებლობების შეფასების მომზადებას. შეფასება გახორციელდება ორი ძირითადი მიმართულებით: ეკონომიკური ზრდა და დივერსიფიკაცია; ბუნებრივი რესურსების მდგარდი მართვა და გარემოს დაცვა. შედეგად, მომზადდება მუნიციპალიტეტებში პირდაპირი მხარდაჭერის მექანიზმების გახორციელების რეკომენდაციები გაეროს განვითარების პროგრამის პროექტისათვის „სოფლის განვითარების ხელშეწყობა“.

 აღნიშნული პროექტის შესახებ, 7 ნოემბერს თეთრიწყაროს მუნიციპალიტეტის მერიაში საინფორმაციო შეხვედრა გაიმართა: ახალგაზრდა ეკონომისტთა ასოციაცის აღმასრულებელი დირექტორი კახა დაუშვილი და ასოციაციის კონსულტანტი ანა ქათამაძე თეთრიწყაროს მუნიციპალიტეტის მერის პირველ მოადგილეს მალხაზ სამაშვილს და შესაბამისი სამსახურის წარმომადგენლებს შეხვდნენ. პროექტის ფარგლებში, სამომავლოდ შეხვედრები იგეგმება ბიზნესსექტორის წარმომადგენლებთანაც. 

პროექტის ერთ-ერთი მნიშვნელოვანი ამოცანაა, შემუშავდეს მხარდაჭერის ისეთი მექანიზმები, რომლებიც სრულ შესაბამისობაში და თანხვედრაში იქნება მიმდინარე სახელმწიფო და საერთაშორისო მხარდაჭერის პროგრამებთან და იმავდროულად ხელს შეუწყობს მუნიციპალიტეტის ეკონომიკურ განვითარებას.

  4 ნოემბერს, სასკოლო სპორტული ოლიმპიადა 2019-ის ფარგლებში, თეთრიწყაროს მუნიციპალიტეტის დაბა მანგლისის №1 საჯარო სკოლაში, მუნიციპალური თამაშებები გაიმართა კალათბურთში, ფრენბურთსა და მაგიდის ჩოგბურთში.

თამაშებში ჩართული იყო მუნიციპალიტეტის 8 საჯარო სკოლის (დაბა მანგლისის №1; ქ. თეთრიწყაროს №1; სოფ. კოდის, სოფ. ასურეთის, სოფ. წინწყაროს, სოფ. ერტისის, სოფ. ხაიშის, სოფ. თონეთის) 14 გუნდი.

საპრიზო ადგილები შემდეგნაირად გადანაწილდა: კალათბურთი (გოგონები) - პირველი ადგილი დაბა მანგლისის №1 საჯარო სკოლის გუნდი; მეორე ადგილი ქ.თეთრიწყაროს №1 საჯარო სკოლა; კალათბურთი (ვაჟები) - პირველი ადგილი დაბა მანგლისის №1 საჯარო სკოლის გუნდი; მეორე ადგილი სოფ. წინწყაროს საჯარო სკოლა; მესამე ადგილი სოფ. ასურეთის საჯარო სკოლა; ფრენბურთი (გოგონები) - პირველი ადგილი ქ. თეთრიწყაროს №1 საჯარო სკოლის გუნდი; მეორე ადგილი სოფ. ხაიშის საჯარო სკოლა; ფრენბურთი (ვაჟები) - პირველი ადგილი სოფ. ერტისის საჯარო სკოლის გუნდი; მეორე ადგილი სოფ. კოდის საჯარო სკოლა; მაგიდის ჩოგბურთი (გოგონები) - პირველი ადგილი დაბა მანგლისის №1 საჯარო სკოლის გუნდი; მეორე ადგილი სოფ. თონეთის საჯარო სკოლა; მაგიდის ჩოგბურთი (ვაჟები) - პირველი ადგილი სოფ. წინწყაროს საჯარო სკოლის გუნდი; მეორე ადგილი დაბა მანგლისის №1 საჯარო სკოლა; შეჯიბრების გამარჯვებულები ღონისძიების ორგანიზატორებმა სიგელებით დააჯილდოვეს. გამარჯვებულები ასპარეზობას რეგიონულ ეტაპზე გააგრძელებენ. სპორტულ თამაშებს ესწრებოდნენ: მერიის განათლების, კულტურის, სპორტისა და ახალგაზრდულ საქმეთა სამსახურის უფროსი ვაჟა სულხანიშვილი, სპორტისა და ახალგაზრდულ საქმეთა განყოფილების უფროსი ფატიმა შავაძე, ააიპ სპორტული სკოლის დირექტორი ზურაბ ბაბლუანი, პედაგოგები, მოსწავლეები და მშობლები.

  ქალაქ თეთრიწყაროში და დაბა მანგლისში საგანგებო სიტუაციების კოორდინაციის და გადაუდებელი დახმარების ახალი ცენტრები აშენდება. ახალი პუნქტების მშენებლობა გააუმჯობესებს ჯანდაცვის სერვისის ხელმისაწვდომობას, განსაკუთრებით ცენტრს დაშორებული სოფლების მოსახლეობისათვის. შენობები საერთაშორისო სტანდარტების მიხედვით აშენდება და აღიჭურვება სამედიცინო, კომპიუტერული და საყოფაცხოვრებო ინვენტარით. პროქტი ამ ეტაპზე გადის სავალდებულო ექსპერტიზას, ხოლო სამშენებლო სამუშაოები მომავალ წელს დაიწყება.

 პროექტს საქართველოს რეგიონული განვითარებისა და ინფრასტრუქტურის სამინისტრო და თეთრიწყაროს მუნიციპალიტეტის მერია ერთობლივად ახორციელებენ. 

  თეთრიწყაროს მუნიციპალიტეტის მერიამ, სოფელ წინწყაროს, გოლთეთის, დიდი დურნუკის, პატარა დურნუკის, ქოსალარის და ქოთიშის მოსახლეობის წყალმომარაგების გაუმჯობესებისათვის, მასშტაბურ პროექტზე მუშაობა დაიწყო.
შესაბამისი დარგის ექსპერტების მიერ, მიმდინარეობს წინასაპროექტო კვლევა რაც მოიცავს მდინარე ხრამის ხეობაში ე.წ.“ყარასოს წყლის“ დებეტის განსაზღვრას და სატუმბი სადგურის მოსაწყობად, ადგილმდებარეობის შერჩევას. 
პროექტირებაზე ტენდერს მუნიციპალიტის მერია მიმდინარე წელს გამოაცხადებს, ხოლო, შესაბამისი სამუშაოების განხორციელება გათვალისწინებულია მომავალი წლის სამოქმედო გეგმაში.
აღსანიშნავია, რომ ზემოთ ხსენებულ სოფლებს, აგრეთვე სოფ. ფარცხისს და მაწევანს სასმელი წყალი დღეის მდგომარეობით მიეწოდება ე.წ. „ქსოვრეთის სათავეებიდან“ (14 კმ მანძილიდან). წყლის დებეტის სიმცირის გამო, ვერ ხდება სასმელი წყლით აღნიშნული დასახლებების სრულყოფილი მომარაგება.
პროექტის განხორციელების შემდგომ, ამჟამად არსებულ ქსელზე დარჩება სოფლები: ფარცხისი, მაწევანი და დაერთდება საღრაშენი, ხოლო ახალ სისტემაზე გადავა შემდეგი სოფლები: წინწყარო, გოლთეთი, დიდი დურნუკი, პატარა დურნუკი, ქოსალარი და ქოთიში. შედეგად, გაიზრდება ხარისხიან სასმელ წყალზე ხელმისაწვდომობა და გაუმჯობესდება ხსენებული სოფლების მოსახლეობის წყალმომარაგება. პროექტის შედეგად, გაუმჯობესებული წყალმომარაგებით ისარგებლებს 3500-ზე მეტი ბენეფიციარი.

  სოფელ ღოუბანში საყოფაცხოვრებო ნარჩენებისაგან დაბინძურებული ტერიტორია დასუფთავდა. დასუფთავების სამუშაოები განხორციელდა სოფელ ასურეთშიც, სამშენებლო და საყოფაცხოვრებო ნარჩენებისაგან დასუფთავდა სოფლის მიმდებარედ არსებული ტერიტორია. სამუშაოებს ადგილზე გაეცნო თეთრიწყაროს მუნიციპალიტეტის მერი გიორგი ქორიძე მერიის შესაბამისი სამსახურების წარმომადგენლებთან ერთად. სტიქიური ნაგავსაყრელების დასუფთავების სამუშაოები ეტაპობრივად ხორციელდება და მოიცავს მუნიციპალიტეტის დასახლებებს, სადაც განსაკუთრებით მწვავედ დგას არალეგალური ნაგავსაყრელებით გამოწვეული პრობლემა.

სამუშაოებს ახორციელებს ტენდერში გამარჯვებული კომპანია შპს„ბაზისი“. შესყიდვის ღირებულება ხელშეკრულებით 15999 ლარს შეადგენს.

 თეთრიწყაროს მუნიციპალიტეტის მერია სოფლების: ჯორჯიაშვილისა და ბოგვის წყალმომარაგების გაუმჯობესებისათვის მასშტაბურ პროექტზე მუშაობს, რაც გულისხმობს მდინარე ალგეთის რესურსის გამოყენებით, მოსახლეობისათვის ხარისხიანი სასმელი წყლის მიწოდების უზრუნველყოფას.

 შესაბამისი დარგის ექსპერტების მიერ, უკვე განხორციელდა წინასაპროექტო სამუშაოები, რომელიც მოიცავდა წყლის დებეტის განსაზღვრას და სათავე ნაგებობის ადგილმდებარეობის შერჩევას, ხოლო შემდგომ ეტაპზე მოხდება წყლის ლაბორატორიული ანალიზის ჩატარება და დაიწყება სათავე და საფილტრი ნაგებობების, გამანაწილებელი რეზერვუარის, ცენტრალური მაგისტრალის და შიდა ქსელის მოწყობის პროექტირება. მიმდინარე სამუშაოებს ადგილზე გაეცნო თეთრიწყაროს მუნიციპალიტეტის მერი გიორგი ქორიძე, მერიის შესაბამისი სამსახურების ხელმძღვანელებთან ერთად. სამუშაოებს ესწრებოდა ადგილობრივი მოსახლეობაც.

 აღსანიშნავია, რომ წყლის დამატებითი რესურსების მოძიების შემთხვევაში, მოგვარდება წყალმომარაგებასთან დაკავშირებული პრობლემა, რომელიც წლების განმავლობაში აწუხებს სოფელ ჯორჯიაშვილისა და ბოგვის მოსახლეობას.

  სოფელ ბორბალოში, მისასვლელი საავტომობილო გზის დაზიანებული მონაკვეთების ორმული შეკეთება უახლოეს დღეებში დაიწყება. 
სამუშაოები დროებითი ღონისძიებაა, რომელიც უზრუნველყოფს მგზავრთა უსაფრთხო და კომფორტულ გადაადგილებას. საავტომობილო გზით სარგებლობს ბორბალოს, ღოუბნის, ერტისის და ვაშლოვნის მოსახლეობა.
აღსანიშნავია, რომ მუნიციპალიტეტის მერიის დაკვეთით, მიმდინარეობს ბორბალო-ღოუბნის დამაკავშირებელი გზის რეკონსტრუქცია-მოწყობის პროექტის მომზადება (პროექტი ამ ეტაპზე გადის სავალდებულო ექსპერტიზას). პროექტირების დასრულების შემდგომ, მერია აღნიშნული გზის სრულყოფილ რეაბილიტაციას გაითვალისწინებს მომავალი წლების სამოქმედო გეგმაში. 

 საყოფაცხოვრებო და დიდი რაოდენობით ცხოველური ნარჩენებისაგან დასუფთავდა, სოფელ ვაშლოვნის მიმდებარედ არსებული სტიქიური ნაგავსაყრელი. 
აღსანიშნავია, რომ არალეგალური ნაგავსაყრელი განთავსებული იყო დასახლებულ პუნქტთან ახლოს, რაც ზრდის სხვადასხვა დაავადებების გავრცელების რისკს, საფრთხეს უქმნის ადამიანის ჯანმრთელობას და გარემოს.
ნაგავსაყრელების დასუფთავების სამუშაოები ეტაპობრივად ხორციელდება და მოიცავს მუნიციპალიტეტის დასახლებებს, სადაც განსაკუთრებით მწვავედ დგას არალეგალური ნაგავსაყრელებით გამოწვეული პრობლემა. 
სამუშაოებს ახორციელებს ტენდერში გამარჯვებული კომპანია შპს„ბაზისი“
შესყიდვის ღირებულება ხელშეკრულებით 15999 ლარს შეადგენს.

სოფელ ასურეთში ყაზბეგის ქუჩის რეაბილიტაციის სამუშაოები დაიწყო. პროექტის ფარგლებში ასფალტო-ბეტონის საფარი მოეწყობა ქუჩის 257 მ-იან მონაკვეთზე და მიმდებარე ჩიხებზე. პროექტით გათვალისწინებულია ქუჩაზე სანიაღვრე სამკუთხა მონოლითური კიუვეტების მოწყობაც.
მიმდინარეობის პროცესს ადგილზე გაეცნო თეთრიწყაროს მუნიციპალიტეტის მერი გიორგი ქორიძე. მერი ასევე შეხვდა აღნიშნული ქუჩის მაცხოვრებლებს და მოისმინა ინფორმაცია მათი საჭიროებების შესახებ. 
პროექტის განხორციელება 1 ნოემბერს დაიწყო და ხელშეკრულების მიხედვით დასრულდება 2018 წლის 24 ნოებრამდე. პროექტის ღირებულება (ხელშეკრულებით) 15999 ლარს შეადგენს. 
აღსანიშნავია, რომ მიმდინარე წელს დაიწყება სოფელ ასურეთში, რუსთაველის ქუჩის მოასფალტებაც. მუნიციპალიტეტის მერიამ 15 ოქტომბერს გამოაცხადა ტენდერი აღნიშნული ქუჩის რეაბილიტაციის სამუშაოებზე (NAT180016434). შესყიდვის სავარაუდო ღირებულება - 383 922 ლარი.

  ქ. თეთრიწყაროს მომავალ წელს კიდევ ერთი ახალი და მნიშვნელოვანი ობიექტი შეემატება. მუნიციპალიტეტის მერიის დაკვეთით, ქ. თეთრიწყაროში თამარ მეფის ქ. N38-ში მდებარე, ყოფილი სავაჭრო ცენტრის შენობაში, მრავალფუნქციური საზოგადოებრივი ცენტრის მოსაწყობად, პროექტი მზადდება.
შენობას თანამედროვე სტანდარტების შესაბამისად, ჩაუტარდება რეაბილიტაცია და განთავსდება სხვადასხვა სივრცეები: ტურისტული მომსახურების ცენტრი, საკონფერენციო და საგამოფენო დარბაზები, კაფე, საოფისე და კომერციული ფართები, სარიტუალო დარბაზი და სხვადასხვა საჭიროების ადმინისტრაციული სერვისები.
მუნიციპალიტეტისათვის განსაკუთრებით მნიშვნელოვანია ტურისტული მომსახურების ცენტრის ფუნქციონირება, რომლის ძირითადი დანიშნულება იქნება საქართველოში ჩამოსული და ადგილობრივი ტურისტების სრულყოფილი ინფორმირება ტურისტული მომსახურებისა და ტურისტული პროდუქტის შესახებ. პროექტის განხორციელება ხელს შეუწყობს მუნიციპალიტეტის ტერიტორიაზე ორგანიზებული ტურების დაგეგმვას, ტურისტების რაოდენობის ზრდას და თეთრიწყაროს, როგორც ტურისტულად საინტერესო და მიმზიდველი ადგილის პოპულარიზაციას. ამასთანავე, შესაძლებელი გახდება მუნიციპალიტეტში ტურისტული ნაკადების ზრდის სტატისტიკის წარმოება და ტურიზმის სფეროს განვითარების ტენდენციების დადგენა.
პროექტის განხორციელება ხელს შეუწყობს ქალაქის ცენტრალური ნაწილის იერსახის და მიმზიდველობის გაუმჯობესებას, ტურიზმის განვითარებას და მუნიციპალიტეტის პოპულარიზაციას. ფუნქციადაკარგული შენობა კი ახალ სიცოცხლეს შეიძენს.

 30 ოქტომბერს თეთრიწყაროს მუნიციპალიტეტის მერიაში გამართულ შეხვედრაზე ევროკავშირის მიერ მხარდაჭერილი პროექტის „სოფლის მდგრადი განვითარება თეთრიწყაროს მუნიციპალიტეტში“ ფარგლებში, ასოციაცია სამხარეო განვითარება მომავალი საქართველოსთვის და თეთრიწყაროს განვითარების ჯგუფმა რიგით მეორე საგრანტო კონკურსის პირველი ეტაპი გამოაცხადა.
საგრანტო კონკურსის მიზანია ხელი შეუწყოს თეთრიწყაროს მუნიციპალიტეტში ცხოვრების დონის გაუმჯობესებას, თეთრიწყაროს განვითარების ჯგუფის მიერ შემუშავებული, 2018 – 2022 წწ. ადგილობრივი განვითარების სტრატეგიით განსაზღვრული ამოცანებისა და პრიორიტეტების შესაბამისად, მათ შორის:
• გარემოს დაცვა, ბუნებრივი რესურსების მართვა და კატასტროფის რისკის შემცირება
• სასოფლო სამეურნეო და არასასოფლო-სამეურნეო ინიციატივების კონკურენტუნარიანობისა და მოდერნიზების მხარდაჭერა
• სოფლად ტურიზმის განვითარების ხელშეწყობა
• სოფლის ინფრასტრუქტურის განვითარება/რეაბილიტაცია

საგრანტო კონკურსის ფარგლებში წარმოდგენილი განაცხადები უნდა შეესაბამებოდეს თეთრიწყაროს ადგილობრივი განვითარების სტრატეგიას და ხელს უწყობდეს მის განხორციელებას. სტრატეგიით განსაზღვრული პრიორიტეტების, მიზნებისა და ამოცანების, ასევე სავარაუდო აქტივობების შესახებ დეტალური ინფორმაცია შეგიძლიათ იხილოთ თეთრიწყაროს განვითარების ჯგუფის ვებგვერდზე (http://tetritskarolag.ge/strategy-ge/) ან მიიღოთ RDFG-ისა და თეთრიწყაროს განვითარების ჯგუფის ოფისში, სოფელი ჯორჯიაშვილი, ბოგვი-ჯორჯიაშვილის გზატკეცილი, თეთრიწყაროს მუნიციპალიტეტი.

საგრანტო კონკურსი მოიცავს თეთრიწყაროს მუნიციპალიტეტის ადმინისტრაციულ-ტერიტორიულ ერთეულს და მის ფარგლებში შემავალ ყველა თემსა და სოფელს. საგრანტო კონკურსში მონაწილეობის მიღება შეუძლია როგორც ფიზიკურ პირს/პირთა ჯგუფს, ასევე საქართველოში რეგისტრირებულ ნებისმიერ იურიდიულ პირსა და სახელმწიფო უწყებას/მის წარმომადგენლობებს, რომელიც თავის საქმიანობას ახორციელებს თეთრიწყაროს მუნიციპალიტეტის ტერიტორიაზე.

საგრანტო კონკურსის ფარგლებში თითოეულ პროექტზე შესაძლებელია მაქსიმუმ 60,000 და მინიმუმ 1,000 ევროს (ექვივალენტით ლარში) ოდენობის დაფინანსების მიღება. საგრანტო კონკურსში სავალდებულოა თანამონაწილეობა, რომლის ოდენობა იცვლება აპლიკაციის სახეობის მიხედვით:
• სოციალური პროექტები – პროექტის საერთო ღირებულების 10%
• სამეწარმეო პროექტები – პროექტის საერთო ღირებულების 30%
• საჯარო სექტორის პროექტები – პროექტის საერთო ღირებულების 40%

კონკურსში მონაწილეობის მსურველებმა პირველ ეტაპზე, უნდა წარმოადგინონ პროექტის იდეის განაცხადის ვრცლად