სიახლეების გამოწერა

თეთრიწყაროს მუნიციპალიტეტის სოფელ გოლთეთში მოსახლეობასთან ღია ფორმატის შეხვედრა გაიმართა. თეთრიწყაროს მუნიციპალიტეტის მერის მოადგილემ ბერდია ხვისტანმა და მერიის სამსახურების წარმომადგენლებმა, მოსახლეობას ამომწურავი ინფორმაცია მიაწოდეს გოლთეთის წყალმომარაგებასთან დაკავშირებით განსახორციელებელი ღონისძიებების შესახებ.

2019 წელს გამოცხადდა ტენდერი სოფლების წინწყაროს, გოლთეთის, მაწევანის, ქოსალარის, დიდი და პატარა დურნუკის, ხაიშის და ქოთიშის წყალმომარაგების საპროექტო-სახარჯთაღრიცხვო დოკუმენტაციის მომზადების შესახებ, რომელიც მიმდინარე წლის 1 მაისამდე განხორციელდება, აღსანიშნავია, რომ მიმდინარე წელსვე გამოცხადდება შესყიდვა სამუშაოებზე. ხელშეკრულების ღირებულება 130 000, 00 (ასოცდა ათი ათასი და 00 თეთრი) ლარს შეადგენს.

შეხვედრაზე ადგილობრივ მოსახლეობას შესაძლებლობა მიეცა ხელისუფლების წარმომადგენლებთან ერთად განეხილათ მათთვის საინტერესო საკითხები და გაცნობოდნენ მიმდინარე და დაგეგმილ ინფრასტრუქტურულ პროექტებს.
დეტალური ინფორმაცია იხილეთ მითითებულ ბმულზე: http://tenders.procurement.gov.ge/public/?go=331076&lang=ge