სიახლეების გამოწერა

  ლიტვის ადგილობრივი განვითარების ჯგუფის ქსელის თავმჯდომარე ლიგიტა სმაგურაუსკაინე და წევრი პოვილას საულევიუსი ასოციაცია „სამხარეო განვითარება მომავალი საქართველოსათვის“ წარმომადგენლებთან ერთად, თეთრიწყაროს მუნიციპალიტეტის მერიაში ვიზიტით იმყოფებოდნენ.

ლიტველი სტუმრები ადგილზე გაეცნენ ადგილობრივი თვითმმართველობის ორგანოების საქმიანობის წესს და მიიღეს ინფორმაცია სამომავლო გეგმების და განვითარების სტრატეგიული მიმართულებების შესახებ, ამასთანავე თვითმმართველობის წარმომადგენლებს ლიტვური LAG-ების და მუნიციპალიტეტების ერთობლივი მუშაობის გამოცდილებები გაუზიარეს.

შეხვედრაზე სამომავლო პარტნიორული ურთიერთობების დამყარების და კულტურულ-საგანმანათლებლო სფეროში გაცვლითი პროგრამების შემუშავების მიზნით, ორმხრივი თანამშრომლობის სურვილი გამოითქვა.

აღსანიშნავია რომ 2017 წლის აგვისტოში, ევროკავშირის „ლიდერ“ მიდგომაზე დაყრდნობით თეთრიწყაროში შეიქმნა პლატფორმა, რომელიც აერთიანებს სამოქალაქო, კერძო და საჯარო სექტორის წარმომადგენლებს და ადგილობრივი განვითარების სტრატეგიის შესაბამისად, თეთრიწყაროს მუნიციპალიტეტის განვითარების ხელშეწყობას ისახავს მიზნად. RDFG-სა და თეთრიწყაროს განვითარების ჯგუფის (LAG) მმართველობითი საბჭოს წარმომადგენლებმა ლიტვაში, გაცვლით სასწავლო ვიზიტშიც მიიღეს მონაწილეობა. ერთი კვირის განმავლობაში ქართული დელეგაცია ლიტვის 7 მუნიციპალიტეტის განვითარების ჯგუფებს სტუმრობდა.