სიახლეების გამოწერა

5 ივნისს თეთრიწყაროს მუნიციპალიტეტის გამგებლის მოვალეობის შემსრულებელი ერეკლე კუხიანიძე სოფელ შავსაყდრის, ენაგეთისა და ასურეთის მოსახლეობას შეხვდა. შეხვედრის მიზანს მოსახლეობის პრობლემების ადგილზე გაცნობა წარმოადგენდა. ერეკლე კუხიანიძემ შეხვედრაზე მოსახლეობას მიაწოდა ინფორმაცია გამგებლის სათათბირო ორგანოს - სამოქალაქო მრჩეველთა საბჭოს შესახებ, რომლის მიზანია ადგილობრივი თვითმმართველობის ორგანოების საქმიანობისა და თვითმმართველობის განხორციელებაში მოქალაქეთა მონაწილეობის ხელშეწყობა, წინადადებებისა და რეკომენდაციების შემუშავების გზით.საბჭოს შემადგენლობის შერჩევის პროცესში მნიშვნელოვანია საბჭოს შემადგენლობა გამგებელს მოსახლეობამ არჩევნების შედეგად წარმოუდგინოს. ეს მექანიზმი ხელს შეუწყობს მოსახლეობას ჰქონდეს პირდაპირ კონტაქტი ადგილობრივ ხელისუფლებასთან.