სიახლეების გამოწერა

22 იანვარს, საქართველოში ორდღიანი ვიზიტის ფარგლებში, სოფელ ასურეთს (ყოფილ ელიზაბეტტალს) ეწვია გერმანიის ბუნდესტაგის წარმომადგენელი კრისტოფ ბერგნერი.

მას მასპინძლობა გაუწიეს ქვემო ქართლში სახელმწიფო რწმუნებულმა - გუბერნატორმა პაატა ხიზანაშვილმა, რწმუნებულის - გუბერნატორის მოადგილემ რამინ ისმაილოვმა, თეთრიწყაროს მუნიციპალიტეტის გამგებელმა ბესიკ წიკლაურმა, თეთრიწყაროს განვითარების ფონდის დირექტორმა თამაზ კაპანაძემ და ბიზნესმენმა დავით ჩიქოვანმა.
დელეგაციამ მოინახულა ევანგელისტურ-ლუთერანული ეკლესია და გვირგვინით შეამკო ძველი გერმანელი კოლონისტების სასაფლაო. ბატონმა კრისტოფ ბერგნერმა დაათვალიერა ძველი საცხოვრებელი სახლები სადაც, გერმანელი კოლონისტების ცხოვრების ფრაგმენტები დღესაც შემორჩენილია, ასევე გაეცნო თეთრიწყაროს განვითარების ფონდის პროექტებს.