სიახლეების გამოწერა

საქართველოს ზრდასრულთა განათლების ქსელი, ამერიკის საელჩოს ფინანსური მხარდაჭერით რეგიონებში მცხოვრები დევნილი ახალგაზრდებისთვის ლიდერობის და ცხოვრების ჯანსაღი წესის შესახებ პროექტს ანხორციელებს.

პროექტის მიზანია, დევნილ ახალგაზრდებში ჯანსაღი ცხოვრების წესის პოპულარიზაცია. ბანაკის მონაწილეების შერჩევა კოდას, შაუმიანის, ლელიანის, ჯვრისა და სენაკის დევნილთა ჩასახლებებში, სპეციალური აპლიკაციების საშუალებით, სათემო განათლების ცენტრებმა განახორციელეს.
16-25 წლის ახალგაზრდებმა მანგლისში არსებულ ბანაკში ერთი კვირა გაატარეს, რის შემდეგაც მიღებულ ცოდნასა და გამოცდილებას საკუთარ თანატოლებს გაუზიარებენ.
8 სექტემბერს შედგა შეხვედრა დაბა მანგლისში სასტუმრო „მანგლისში“. შეხვედრის მიზანს ახალგაზრდების საკითხებზე მომუშავე სახელმწიფო უწყებების, სპორტული ფედერაციებისა და არასამთავრობო ორგანიზაციების საქმიანობის გაცნობა და დევნილთა ჩასახლებებში მცხოვრები ახალგაზრდების პრობლემების შესახებ ინფორმაციის გაცვლა წარმოადგენდა. შეხვედრას ესწრებოდა საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრის მოადგილე გოგი ფაცაცია.