სიახლეების გამოწერა

სოფელ პანტიანში სასმელი წყლის სისტემის სარეაბილიტაციო სამუშაოები მიმდინარეობს. პროექტით გათვალისწინებულია სასმელი წყლის დამატებითი რეზერვუარის და ქსელის მოწყობა, აგრეთვე სათავე ნაგებობის და არსებული რეზერვუარის რეაბილიტაცია. 
სოფლის მოსახლეობას წლების განმავლობაში აწუხებდა სასმელი წყლით მომარაგების პრობლემა, სოფლის ნაწილს კი წყლის სისტემის დაზიანების გამო, საერთოდ არ მიეწოდებოდა სასმელი წყალი. სარეაბილიტაციო სამუშაოების ჩატარების შემდეგ, მოსახლეობა ისარგებლებს გაუმჯობესებული წყალმომარაგებით.
პროექტი დაფინანსებულია რეგიონალური განვითარების ფონდის მიერ. სამუშაოებს აწარმოებს ტენდერში გამარჯვებული კონტრაქტორი კომპანია შ.პ.ს. ,,დაგ-დეველოპერი". პროექტის ღირებულება ხელშეკრულებით 169 927.76 ლარს შეადგენს. 
 სარეაბილიტაციო სამუშაოები დაიწყო 2016 წლის 01 ივლისს და დასრულება ხელშეკრულებით გათვალისწინებულია 2016 წლის 29 ოქტომბერს.