სიახლეების გამოწერა

ქალაქ თეთრიწყაროში თამარ მეფის და დავით აღმაშენებლის ქუჩებზე გზის სარეაბილიტაციო სამუშაოები მიმდინარეობს. ამ ეტაპზე, მიმდინარეობს ძველი ასფალტო–ბეტონის საფარის მოხსნა (მოფრეზვა) და შემდეგი გამოყენებისათვის შეგროვება, არსებულ საფუძველზე შემასწორებელი, სტაბილიზირებული ფენების და ასფალტ–ბეტონისათვის საფარის მოწყობის სამუშაოები. პროექტით გათვალისწინებულია ქუჩებზე საავტომობილო გზის რეაბილიტაცია და ტროტუარების კეთილმოწყობა. აღსანიშნავია, რომ ქუჩებს სრული რეაბილიტაცია არ ჩატარებია ბოლო 20 წლის განმავლობაში, რაც მნიშვნელოვნად აფერხებდა მგზავრთა გადაადგილებას და საგზაო მოძრაობის უსაფრთხოების დაცვას. აღნიშნული პროექტის ინიციატორია თეთრიწყაროს მუნიციპალიტეტის გამგეობა, პროექტის განხორციელების შედეგად გაუმჯობესდება ქალაქის საგზაო ინფრასტრუქტურა, შეიქმნება ტრანსპორტით და ფეხით მოსიარულეთა კომფორტული და უსაფრთხო გადაადგილების პირობები. სამუშაოები მიმდინარე წლის 21 მაისს დაიწყო და დასრულება ხელშეკრულებით 21 სექტემბერს არის გათვალისწინებული. სამუშაოები ხორციელდება საქართველოს რეგიონული განვითარებისა და ინფრასტრუქტურის სამინისტროს სსიპ „მუნიციპალური განვითარების ფონდი“-ს დაკვეთით, პროექტის ბიუჯეტი ხელშეკრულებით 728.415 ლარს შეადგენს.