სიახლეების გამოწერა

25 აპრილს თეთრიწყაროს მუნიციპალიტეტში მცხოვრებ, სტიქიური მოვლენების შედეგად დაზარალებულ 15 ეკომიგრანტ ოჯახს, საცხოვრებელი სახლი და მასთან ერთად შესყიდული მიწის ნაკვეთი საკუთრებაში გადაეცათ პირდაპირი მიყიდვის ფორმით, სიმბოლურ ფასად - 1 (ერთი) ლარად.

მუნიციპალიტეტის გამგეობაში შესაბამისი პროცედურები განახორციელეს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტროს წარმომადგენლებმა. ეკომიგრანტ ოჯახებთან ნასყიდობის ხელშეკრულების გაფორმება სამინისტროს წარმომადგენლების მიერ გაგრძელდება 29 აპრილის ჩათვლით, მუნიციპალიტეტის გამგეობის შენობაში. 
საქართველოს მთავრობის 2016 წლის 7 მარტის N 384 განკარგულების შესაბამისად, საცხოვრებელი სახლი და მასთან ერთად შესყიდული მიწის ნაკვეთი პირდაპირი მიყიდვის ფორმით სიმბოლურ ფასად - 1 ლარად, საკუთრებაში გადაეცემათ თეთრიწყაროს მუნიციპალიტეტში მცხოვრებ 73 ეკომიგრანტ ოჯახს.