მთავარი
ბიუჯეტი
ტენდერი
პროექტები
აუქციონი
პეტიციის დამატება
გამოკითხვა
ფოტო გალერეა
თეთრიწყაროს მუნიციპალიტეტის მერი მიხეილ აფციაური, ადგილობრივი თვითმმართველობის წარმომადგენლებთან ერთად, მსოფლიო ბანკის, საფრანგეთის განვითარების სააგენტოსა და საქართველოს გაერთიანებული წყალმომარაგების კომპანიის წარმომადგენლებს შეხვდა.
შეხვედრაზე მხარეებმა მუნიციპალიტეტში წყალმომარაგებისა და წყალარინების მიმართულებით არსებული მდგომარეობა, სამომავლო თანამშრომლობა და დაგეგმილი პროექტები განიხილეს.
შეხვედრაზე აღინიშნა, რომ იგეგმება თეთრიწყაროს მუნიციპალიტეტის დაბა მანგლისისა და სოფელ ალგეთის წყალარინების სისტემის, გამწმენდი ნაგებობებისა და სოფელ ალგეთის წყალმომარაგების სისტემის საპროექტო სამუშაოების განხორციელება.
შეხვედრას მერის მოადგილეები რამაზ გულბანი და ლია ზურებიანი, ადმინისტრაციული სამსახურის უფროსი შალვა მეგულაშვილი და მუნიციპალური ინსპექციის სამსახურის უფროსი ზურაბ ზარდიაშვილი ესწრებოდნენ.
