COVID 19-ის გავრცელების პრევენციული ღონისძიებების ფარგლებში აქტიურად გრძელდება თეთრიწყაროს მუნიციპალიტეტში მცხოვრები ოჯახების დახმარება. ჰუმანიტარული აქციების ფარგლებში დახმარება უკვე გაეწია 1000-მდე შეჭირვებულ ოჯახს. ამჟამად თეთრიწყაროს მუნიციპალიტეტში მცხოვრებ 70 წელს გადაცილებულ 300 მარტოხელა ხანდაზმულს, საქართველოს წითელი ჯვრის საზოგადოების მიერ, პირველადი სასურსათო პროდუქტებისა და ჰიგიენური საშუალებების ამანათები გადაეცათ. ბენეფიციარებს ამანათები თეთრიწყაროს მაჟორიტარმა დეპუტატმა გოდერძი ჩანქსელიანმა, თეთრიწყაროს მუნიციპალიტეტის მერმა გიორგი ქორიძემ, მერის მოადგილეებმა, საქართველოს წითელი ჯვრის თეთრიწყაროს რაიონული ორგანიზაციის თავჯდომარე ნინო ბაიდარაშვილმა და მოხალისეთა ჯგუფებმა გადასცეს.